Парадак разгляду зваротаў грамадзян, у тым лiку iндывiдуальных прадпрымальнiкаў, і юрыдычных асоб

Звароты грамадзян, юрыдычных асоб і індывідуальных прадпрымальнікаў (далей, калі не пазначана іншае, – звароты), якія паступаюць на імя кіраўніка альбо другой службовай асобы Галоўнага статыстычнага ўпраўлення Магілёўскай вобласці разглядаюцца ў адпаведнасці з Законам Рэспублікі Беларусь ад 18 лiпеня 2011 года "Пра звароты грамадзян і юрыдычных асоб" (далей – Закон), Указам Прэзідэнта Рэспублікі Беларусь ад 15 кастрычніка 2007 г. № 498 "Пра дадатковыя меры па рабоце са зваротамі грамадзян і юрыдычных асоб".
Звароты ў Галоўнае статыстычнае ўпраўленне Магілёўскай вобласці могуць падавацца заяўнікамі ў пісьмовай альбо электроннай форме, а таксама выкладзены ў вуснай форме падчас асабістага прыёму.
Дадаткова паведамляем, што датэрміновы запіс на асабісты прыём грамадзян, у тым ліку індывідуальных прадпрымальнікаў, іх прадстаўнікоў, юрыдычных асоб да кіраўніцтва Галоўнага статыстычнага ўпраўлення Магілёўскай вобласці вядзецца сакратаром прыёмнай кіраўніцтва службы справаводства и матэрыальна-тэхнічнага забеспячэння Курбаковай Ксеніяй Аляксандраўнай, кабінет 41, тэлефон 22 23 98.

Патрабаванні, якія прад’яўляюцца да зваротаў

Звароты разглядаюцца па сутнасці, калі ўтрымліваюць пытанні, вырашэнне якіх адносіцца да кампетэнцыі Галоўнага статыстычнага ўпраўлення Магілёўскай вобласці і адпавядаюць патрабаванням заканадаўства.

У пісьмовым звароце грамадзян павінны быць:

  • назва і (альбо) адрас арганізацыі альбо пасада асобы, якой накіроўваецца зварот;
  • прозвішча, уласнае імя, імя па бацьку (калі такое ёсць) альбо ініцыялы грамадзяніна, адрас яго месца жыхарства (месца знаходжання) і (альбо) месца працы (вучобы);
  • выкладанне сутнасці звароту;
  • асабісты подпіс грамадзяніна (грамадзян).

У пісьмовым звароце юрыдычных асоб павінны быць:
  • назва і (альбо) адрас арганізацыі альбо пасада асобы, якой накіроўваецца зварот;
  • поўная назва юрыдычнай асобы і яе месца знаходжання;
  • выкладанне сутнасці звароту;
  • прозвішча, уласнае імя, імя па бацьку (калі такое ёсць) кіраўніка альбо асобы, упаўнаважанай ва ўсталяваным парадку падпісваць звароты.

Пісьмовыя звароты грамадзян і юрыдычных асоб, якія змяшчаюць пытанні, вырашэнне якіх адносіцца да кампетэнцыі Галоўнага статыстычнага ўправлення Магілёўскай вобласці, могуць быць накіраваны на адрас: 212030, г. Могілёў, зав. Пажарны, 16.
У электронным звароце павінен быць адрас электроннай пошты заяўніка.
Звяртаем увагу, што электронны зварот – гэта звароты, якія паступілі праз глабальную камп’ютарную сетку Інтэрнэт на адрас электроннай пошты Галоўнага статыстычнага ўпраўлення Магілёўскай вобласці (oblstat@mogilev.by) альбо размешчаныя ў рубрыцы “Электронныя звароты” на афіцыйным сайце Галоўнага статыстычнага ўпраўлення Магілёўскай вобласці ў глабальнай камп’ютарнай сетцы Інтэрнэт.
Электронныя звароты, якія паступілі ў Галоўнае статыстычнае ўпраўленне Магілёўскай вобласці падлягаюць разгляду ў парадку, усталяваным для пісьмовых зваротаў, з улікам асаблівасцяў, прадугледжаных Законам Рэспублікі Беларусь ад 18 лiпеня 2011 года "Пра звароты грамадзян і юрыдычных асоб".

Тэрміны пры разглядзе зваротаў

Рэгістрацыя зваротаў ажыццяўляецца ў дзень іх паступлення ва ўсталяваным парадку. Звароты, якія паступілі ў непрацоўны дзень (непрацоўны час), рэгіструюцца не пазней чым у першы, наступны за ім працоўны дзень.*
Звароты, якія паступілі ў Галоўнае статыстычнае ўпраўленне Магілёўскай вобласці і якія адносяцца да яго кампетэнцыі, разглядаюцца цягам 15 каляндарных дзён з дня іх рэгістрацыі. Пры неабходнасці тэрмін разгляду зваротаў можа быць падоўжаны да аднаго месяца. У выпадку, калі для вырашэння выкладзеных у звароце пытанняў неабходна здзяйсненне пэўных дзеянняў (выкананне работ, аказанне паслуг), атрыманне інфармацыі ад замежнай дзяржавы ў тэрміны, які перавышаюць месячны тэрмін, заяўнік будзе ўведамлены аб прычынах перавышэння месячнага тэрміну разгляду па сутнасці цягам 5 працоўных дзён.
Калі пісьмовы зварот адпавядае ўсім патрабаванням, але змешчаныя ў ім пытанні не адносяцца да кампетэнцыі Галоўнага статыстычнага ўпраўлення Магілёўскай вобласці, цягам 5 працоўных дзён з дня яго рэгістрацыі зварот накіроўваецца для разгляду арганізацыі ў адпаведнасці з яе кампетэнцыяй з апавяшчэннем пра гэта з указаннем прычыны і тлумачэннем, у якую арганізацыю і ў якім парадку трэба звярнуцца для вырашэння пытанняў, выкладзеных у звароце.

Пакіданне зваротаў без разгляду па сутнасці

Пісьмовыя звароты пакідаюцца без разгляду па сутнасці, калі:

  • выкладзены не на беларускай альбо рускай мове;
  • не ўтрымліваюць назвы і (альбо) адраса арганізацыі альбо пасады асобы, якой накіроўваецца зварот, прозвішча, уласнага імя, імя па бацьку (калі такое ёсць) альбо ініцыялаў грамадзяніна, адраса яго месца жыхарства (месца знаходжання), сутнасці звароту, асабістага подпісу грамадзяніна (для грамадзян);
  • не ўтрымліваюць назвы і (альбо) адраса арганізацыі альбо пасады асобы, якой накіроўваецца зварот, поўнай назвы юрыдычнай асобы, яго месца знаходжання, прозвішча і ўласнага імя, імя па бацьку (калі такое ёсць) кіраўніка альбо асобы, упаўнаважанай ва ўсталяваным парадку падпісваць звароты, сутнасці звароту, асабістага подпісу кіраўніка альбо асобы, упаўнаважанай ва ўсталяваным парадку падпісваць звароты, заверанага пячаткай юрыдычнай асобы (для юрыдычных асоб);
  • у зваротах змяшчаюцца нецэнзурныя альбо абразлівыя словы і выразы;
  • звароты носяць ананімны характар, за выключэннем зваротаў, якія утрымліваюць звесткі пра гатаванне, учыняемае альбо ўчынённае злачынства альбо аб іншым правапарушэнні; (прапаную замяніць на звесткі аб тым, як рыхтуецца, здзяйсняецца ці здзейснена злачынства) ананімныя звароты, гэта звароты, у якіх не празначаны прозвішча, ўласнае імя, імя па бацьку (калі такое есць) альбо ініцыялы заяўніка альбо адрас яго месца жыхарства (месца знаходжання) і (альбо) месца работы (вучобы) альбо найменне юрыдычнай асобы (поўнае альбо скарочанае) альбо месца знаходжання; утрымліваюць тэкст, які не паддаецца прачытанню;
  • звароты падлягаюць разгляду ў адпаведнасці з заканадаўствам пра канстытуцыйнае судаводства, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам пра адміністрацыйныя працэдуры, зваротаў работніка да наймальніка, а таксама іншых зваротаў, у дачыненні да якіх заканадаўчымі актамі ўсталяваны іншы парадак іх падачы і разгляду;
  • звароты ўтрымліваюць пытанні, вырашэнне якіх не адносіцца да кампетэнцыі Галоўнага статыстычнага ўпраўлення Магілёўскай вобласці, у тым ліку, калі заўвагі і (альбо) прапановы, унесеныя ў кнігу заўваг і прапаноў, не адносяцца да дзейнасці Галоўнага статыстычнага ўпраўлення Магілёўскай вобласці;
  • быў прапушчаны без уважлівай прычыны тэрмін падачы скаргі;
  • заяўнікам быў пададзены паўторны зварот, у тым ліку занесены ў кнігу заўваг і прапаноў, калі ён ужо быў разгледжаны па сутнасці і ў ім не ўтрымліваюцца новыя абставіны, якія маюць значэнне для разгляду звароту па сутнасці;
  • з заяўнікам прыпынена ліставанне па выкладзеных у звароце пытаннях.
  • утрымліваюць тэкст, які не паддаецца прачытанню.

Вусныя звароты могуць быць пакінуты без разгляду па сутнасці, калі:

  • не прад'яўлены дакументы, якія могуць засведчыць асобу заяўнікаў, іх прадстаўнікоў, а таксама дакументы, якія могуць пацвердзіць паўнамоцтвы прадстаўнікоў заяўнікаў;
  • звароты ўтрымліваюць пытанні, вырашэнне якіх не адносіцца да кампетэнцыі арганізацыі, у якой праводзіцца асабісты прыём;
  • заяўніку падчас асабістага прыёму ўжо быў дадзены вычарпальны адказ на пытанні, якія яго цікавяць, альбо ліставанне з гэтым заяўнікам па такіх пытаннях было прыпынена;
  • заяўнік падчас асабістага прыёму дапускае ўжыванне нецэнзурных альбо абразлівых слоў ці выразаў;

Рашэнне пра пакіданне зваротаў без разгляду па сутнасці прымае кіраўнік арганізацыі альбо яго намеснікі.

Абскарджаванне адказаў на звароты
Адказ Галоўнага статыстычнага ўпраўлення Магілёўскай вобласці на зварот альбо рашэнне пра пакіданне звароту без рагляду па сутнасці можа быць абскарджаны ў Нацыянальным статыстычным камітэце Рэспублікі Беларусь.
Адказ Нацыяльнага статыстынага камітэта Рэспублікі Беларусь на зварот альбо рашэнне пра пакіданне звароту без рагляду па сутнасці можа быць абскарджаны ў Адміністрацыі Прэзідэнта Рэспублікі Беларусь у парадку, усталяваным заканадаўствам.

Версія для друку
212030, г. Магілёў, завулак Пажарны, 16
Эл. пошта: mogilev@belstat.gov.by