Аб развіцці ўнутранага гандлю i грамадскага харчавання ў студзені – жнiўнi 2021 г.

17 верасня 2021

У студзені – жнiўнi 2021 г. аптовы тавараабарот склаў 2118,3 млн. рублёў, або ў супастаўных цэнах 107,9% да ўзроўню студзеня – жнiўня 2020 г.

Рознічны тавараабарот у студзені – жнiўнi 2021 г. склаў 3367,1 млн. рублёў, або 102% у супастаўных цэнах да ўзроўню студзеня – жнiўня 2020 г.

Аднадзённы рознічны тавараабарот у разліку на душу насельніцтва з пачатку года склаў 13,6 рубля супраць 12,1 рубля за адпаведны перыяд папярэдняга года.

Рознічны тавараабарот арганізацый гандлю, на які прыйшлося 91,5% рознічнага тавараабароту вобласцi, у студзені – жнiўнi 2021 г. склаў 3081,1 млн. рублёў, або 102,7% у супастаўных цэнах да адпаведнага перыяду папярэдняга года.

Тавараабарот грамадскага харчавання ў студзені – жнiўнi 2021 г. склаў 137,5 млн. рублёў, або 118% у супастаўных цэнах да ўзроўню студзеня – жнiўня 2020  г.